Article in Bodo
"दिनै अलसिया थानानै सारा इयुन जिउ कस्त खालाम"
नोंसोरनि इयुनखौ अलसिया जानानै एबा फरायनो, कस्त खालामनो हेला खालामनानै फोजोबना दा ला। अलसिया जानाया मानसिनि अरायथा गुन नङा, बेयो खालि मोनसे गाज्रि अभ्यासल’ जाया गावनि दानि मोजां आरामनि समाव मुखुब लाखिना इउनखौ खहा खालामनो, एबा इयुननि जाफुंसार जानो गोनांखौ सेख’नानै लायो । जेब्ला नोंसोर फरायनो बायो एबा गावनि बिजाबखौनो नायनो एबा खेवनो बानाय मोनफ्रोमबो चेकेण्डआव, मिथिना ला नोंसोर गावनो गावनि इउन समखौ धंस' खालामगासिनो दङ।
गोसोआव लाखिनो गोनां बाथ्राफोर:
सिमांफोरखौ मोगथां खालामनोब्ला आब्रुथिनि गोनां:
खालि सिमांल’ नुब्ला एबा लुबैयोब्लाल’ जेबो जाया, बेखौ जाफुंहोनो थाखाय दिसिप्लिन (Discipline) एबा आब्रुथि गोनां जिउ खांंनायजों कस्त खालामनांगोन।
'गाबोन मावगोन' होननानै दोननाया गावनिनो खहा:
दिनैनि खामानिखौ गाबोनसो मावगोन होनना दोननाया गावखौनो थगायनायनि जोबोद गोरलैसिन राहा ।
बादायलायनाया (Competition) माब्लाबाबो थाबथाया:
जेब्ला नों उन्दुनानै आराम खामो, बे समाव गुबुन सासेया नोंनि सिमांखौ सेख’नानै लानो सान हर कस्त' खालामगासिनो दं ।
फेलेंथिनि फिथाइया जोबोर सहायनो गोब्राब जायो:
फरायनो कस्त' एबा दुखु मोनाया दसे समनि एबा साननैसोनि थाखायसो, नाथाय जिउवाव फेलें जानायनि दुखुवा जोबनाय गैयि।
दिनै नोंसोरनाव मोननै राहा दङ— दिनै अलसिया जानानै सारा इयुन कस्त खालाम एबा दिनै कस्त' खालामनानै इयुनखौ गोजों एबा गोजोन खालामनानै रंजा खुसिनि जिउ खुंलां । सोलोंथाइया जेबो साजा नङा, बेयो नोंनि इयुनखौ दानानै लानायनि बयनिख्रुइबो देरसिन अस्त्र (हाथियार) । बिजाबखौ खेव, दिनैनिफ्रायनो जागाय। नों हागोन, नोंनाव बे गोहोआ दङ !
Post a Comment